الشعر الشعبى , الشتاوة وغناوى العلم , الامثال الشعبية , مقتنيات تراثية


 
الرئيسيةاليوميةس .و .جبحـثالأعضاءالمجموعاتالتسجيلدخول
خط خارجي - راس الوادي نت

شاطر | 
 

 موسوعة غناوى علم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت الاجواد
الآشراف العام
}

المساهمات : 52

الموقع : ربوع بلادى

العمل/الترفيه : وزارة الثقافة



مُساهمةموضوع: موسوعة غناوى علم    الجمعة نوفمبر 17, 2017 10:24 pm

خطاهم اللي داروه، قبلوا جميل هانوا به علي
موح الخطى مو موح، الموح موح لنيا يا علم
بجروحي عليك رميت، نموت كان ما لقيت لي دوا.
العمر كان فيه طعمة، تكون هي مغالاتي لكم.
من كثر يا عزيز غلاك، تظلم ندير روحي ظالمك.
خْناقي العين مْسكت، تقول نا اللي باعدتهم.
بنار الغلا ميكول، محط ايد مني ما سلم.
تعقيد والجدايل فتل، العين في قديمين حاصلة.
قديم ما علينا فيه، ارفع يديك يا ياس ع الجدد.
لهن زمان في التقهير، م الياس غير لنظار يحملن.
لا يهون من عليك يغيب، ولا دمع جياباً لهم.
في الكبد نازلين بثقل، عْزاز نين في دمي جرو.
متماضي غلاك معاي، ننساك كيف وانت قرعتي.
ملقى شين يبي عزم، ملاقاة الغنايا للغني.
العين في عقاب العمر، دكنوني علي نار كمضت.
ان ضاع في رجاك العمر، حلال يا عزيز مصدقه
عليك يا عزيز إن غبت، اعرف معاك نيتي حاضرة.
معاه لا نقص لا زاد، خطا عزيز جا دوب خاطري.
كمين نار ضاق العقل، حمّال غير في التالي شكا.
متواجلات شور ضياع، يزّابَن غلانا وعمرنا.
مغير لذعوك بنار، تكواي مو على قيس الوجع.
تعال يا بعيد الدار، كلت كبودنا طولة الرجا.
برموشها تحايي فيه، الجرح جا في العين بيدها.
العين شور دار عزيز، وديتها وما وديتها.
بلا امّاطلة يا قسم، مليت م الرجا قول قولتك.
نحسابها أيام تزول، حسيسة أمراض اطّاولت.
في الباينة دوا ما جاب، والغابية عدم دايرتلنا.
غلاك هو صْبَيّ العين، والباقي خيالات كلهن.
ممسوك غير في ملاقاة، العقل يا غوالي عندكم.
مادام كل شي بالقسم، اقعد بلاش يا شوق خاطري.
بلاك مالهنش طْعَمَة، شينات يا عزيز ايامنا.
مصهودة بنار غلاك، الكبد ياللي ماتندري.
مقطوع يا العين العذر، وتّي دموع واهي دارهم.
غني من دناه أيّست، يكفي مغير طرواه سادني.
دناك وانت فاضي كنت، طعمة يا غني فاتت عليْ.
كمل مساقطة في الكتر، الهدب وين ما باد م البكا.
عْزاز وَسّدوك سمور، وغطوك بالمهاياة والبكا.
اليل تاخذه تصنيت، تريد حس بكّاي تعمده.
اللي هنا غير خيال، نحلف عليه عقلي عندكم.
برمت نصيب في لوهام، العين ما بكت نين أيّست.
اللي ما غلا ضاقوه، سبحانه منيش يموّتُو؟
بشويش يا القسم وْجِيبْ، عْزاز نين فيدي تحطهم.
العقل ما جديد لهاه، يبكي بغيض ما زال ع القدم.
ننسوك في النهار بدوج، يلفى الليل ويجي جايبك.
بالحيل يا نصيب جهدك، صبى معاي راني نريدهم.
تستيه في خلا لوهام، العمر ما مشى غير هكّذي.
هْمدت نين راق العقل، عْملت خير فينا نارهم
ردناه غير راد الغير، والغير راد غيره وسيبه.
بنارك تْطارح فيه، العقل وين ما راق تلذعه.
حسايف العين كبار، تنظر عزيز في يدين غيرها.
في نار ما هفيت وحدي، كريتهم اللي كابرينها.
سلب العين نوم وعزم، عزيز نسوته ماي ساهلة.
مفجوع كل يوم بفقد، مخلوق للبكا ثاريتني.
بزين جرو ضاع الفقد، واخذين على قول ساهله.
ربيع في مثاني صيف، تعال جاي نوريك يا علم.
طروك طرت نطري فيك، نسيت قول ناسيك يا غني.
عزاز ما بلاهم صبر، نجيهم مع طول المدد.
قديم كان عليه بكيت، تهوين ماو طمع في جيته.
ع الطاري بكبدي طحت، على عزيز يا بال ننظره
ما من خلال يريد، مستاسع علينا فاهقه.
عليك دار كنتي دار، وعليك دار يا دار باقية.
حسوفة علَيّ هلبت، عدّا العمر ومعاه الغلا.
مقروض يا الدار معاك، نبرم عليك ما عاد صدت لك.
خذى خلاك شيلي الصوت، خطر عزيز ما فيك ما غفى.
زعمه كي يجيك النوم، نخطر عليك يا خاطر عَلَيّ ؟
خذن عزيز مني غصب، ليام لا رجن لا شاورن.
مغير في المنام يجوك، كذّاب يا نظر ماريتهم.
عزاز قتلوك وعشت، زعمه فيك كم روح يا غلا؟
حرجانة بلا سيات، خلاك طول يا عين الرجا.
وخيذه ان كان الوقت، بمواجع اخرى عابي لْنا.
كي تابت لها دزيت، عنقلت يا المرهون ذنبها.
بعد الموت فيه حياة صداف ياغني بالك نجو.
جروح خاطري م الياس لو كان يقتلن قاتلاتني.
ثقال يالعين عليك حمول غير شيلي واسكتي.
ادوخ م البكا وتغفى يجو منام توعى تريدهم.
بختي عطيب نا والعين لقسام عارضن دون الدنا.
هلبت ماوراي وراه عزيز غير ماو كابر بها.
خزين دمعنا ياعين ممسوك غير في قولة قدم.
مشكى العقل زاده هول سكاته على داه خيرله.
سند كبير فاقد فيك رقيق عزم يا دار هايبك.
تخاطن افواه الجرح تقطير الدوا جا بينهن.
أطلق سبيلنا لله فينا خذيت يا ياس غايتك.
الخاطر نزيل اجواد إن غابن اقداره يرتحل.
العقل سامرين عليه مريض من معاناة ناركم.
بلا قشوشه ع النار تشيط نوحلو في ردمها.
يريدن شقا وسمور غيات المراهين يا علم.
غلاهم مرض يا عين تموتي ولا يوم هاونك.
عزيز عارفه مرجاه مطاول مع طول عازتي.
بكيت فيك ما قصرت إن جا عزيز يا دار اشهدي.
حنونة ودارت كبد على عزيز ويش يفضها.
مرضه غير عاشق فيك دوا العقل لو طالك برى
نجيت من لهيب النار نطيت جيت في كانونهم.
ترجى العين في لولاف تعاقب الليل وما غفت.
إن غليو بعدكم ناس يبقى خفيف ميزان خاطري.
انظر العين ترجى فيش تعاقب الليل وما غفت.
بياسك وطول رجاك العين حالمة بصوبك يجي.
ثلثين ليلها تمويج والباقي مهاياه ما غفت.
علي ضناي نجنى خفت سلمت في غلا ما ينهلب.
تهليعة جروح العين فداك يا علم مالها دوا.
الموت هن عيون عزيز معاي وين لافوق شالهن.
خليه هكذي وخلاص الجرح يا مداويه يتعبك.
العقل حامات عليه جروحك اجري جاي جورن.
مكتوب قدره مولاي جرحي نداويه عندكم.
العاقل شديد العزم ينهال وين نقناقي علم.
وين ما نقول بردت تشيط نار ع النار لولى.
مكبورة القديم همدت ونويرة الجديدين بجدت.
نرجوه يا عزيز دناك كلاّ القسم موش بيدنا.
تنساهم العين تغفل يجو منام توعى شارقة.
حسابه خذاه اليوم عزيز ما رجا بيه لاخرة.
غلا القديم عامي العين جديد بيش تبي تنظره.
خلوك نين درتي كبد وغدرو بيك يا عين باعدو.
حتى الحلم نبكو فيه ما تاخذ على قول رقدو.
للناشد نقول بريت جحاد للمرض نين ضرني.
مفيت نسوتي القديم يشرط جديد باللي يريدها.
رضيت ما رضيه القسم ونسيتهم قديمين الغلا.
غفيت قلت جاها نوم تهايو غطاها طوّحت.
خذاني النوم غفيت وعيت في مواهيم يفجعن.
الخاطر بكاك شغله انهال ما رجى نين ينشدك.
الكبد يا غني ع النار تساقط اسم الله ذايبة.
جنين كبد راضع قهر فطمه ياس زازا به عدو.
مرايف وجوه منام العقل دار ليلة ع القدم.
العزم وين تلقو فيه تنسو عزاز ياللي تقدروا؟
انظاري لدار عزيز يمشن بشوق وبغيض يقعدن.
قفزات في خيار النوم بعدك يا علم لايفاتلي.
مغير في المنام خطوه خلوه نين يوعى واخطرو.
برمت ريح طار عوين ثاريت نار مرهون والعة.
في العقل واخذين عزاز مكان ماعطيته لغيرهم.
عزاز بدلوه بغير عزو العقل ف اللي صارله.
يعاود اللي دفنوه تسير هذي ولا هنتو علي.
ليام فارضه ع العقل ينفض يديه م اللي يريدها
من خوف يعلموه الناس غلاكم كميته ضرني.
نخاف يا عزيز ندير عليك كبد تلويني بها.
خلاها غلا مرهون تحوس فاقدة باب النجا.
تنسيه موش ما تنسيه قديم غير تبيلك ولا.
بكاهن عذاب وذنب على عزيز طاريه منقطع.
لو كان ما خلق شي دمع عزيز كي نديرو لفاهقه؟
دقايق مع لولاف سنين الشقا طارداتهن.
طربى قبل فيها كان توارى عليها كرهتها.
ما يطيح من عيون الناس الزين راه ديما بقرعته.
عليهن رضينا غصب افعال وقت قاضيهن حكم.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin
}

المساهمات : 79

الموقع : ليبيا الحبيبة

العمل/الترفيه : وزارة الثقافة



مُساهمةموضوع: رد: موسوعة غناوى علم    السبت نوفمبر 18, 2017 1:31 am

جميل ورائع
شكرا على المجهود الطيب
متبث بأذن الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://turat.ahlamontada.com
شهرزاد
الآدارة العليا
}

المساهمات : 35



مُساهمةموضوع: رد: موسوعة غناوى علم    السبت نوفمبر 18, 2017 11:23 am

شكر1
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مبروكة الحداد
الآدارة العليا
avatar
}

المساهمات : 6



مُساهمةموضوع: رد: موسوعة غناوى علم    الأحد نوفمبر 19, 2017 6:03 am

رووووووووووووووووعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ولد ليبيا
الآشراف العام
avatar
}

المساهمات : 42

الموقع : وين ما يرتاح الخاطر

العمل/الترفيه : وزارة الثقافة



مُساهمةموضوع: رد: موسوعة غناوى علم    الأحد نوفمبر 26, 2017 12:44 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موسوعة غناوى علم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 ::   ::   :: الشتاوات وغناوى العلم-
انتقل الى: